Visualización do filme GIRLHOOD, na Sala Númax de Santiago, a mañá do 8 de abril do 2026.
Trátase dunha actividade organizada pola ANPA e o Departamento de Francés do IES Nº1 de Ribeira, dirixida ao seu alumnado que cursa a materia de Francés en 3º da ESO, e subvencionada pola Deputación da Coruña.
Contido e características da actividade:
A sala Númax de Santiago de Compostela posibilita que o alumnado visualice películas que esconden detrás valores importantes para a educación dos mozos e mozas, lonxe da cultura de masa que consomen día tras día.
O filme Girlhood, película de orixe francés, explora a adolescencia feminina. Marieme, unha moza de orixe africana, que vive nos suburbios de París (la banlieue parisienne), intenta fuxir dun barrio sen posibilidades a futuro e cheo de drogas e alcohol. Tanto é así, que se atopa cunhas mozas que a levan a cambiar o seu estilo e a abandonar o lugar que a viu nacer, coa fin de evolucionar e mellorar. Trabállase, polo tanto, a superación, a igualdade de oportunidades ou a non discriminación por sexo ou orixe, entre outros.
A película será visualizada en versión orixinal e subtitulada en galego, co que o alumnado poderá seguir perfectamente o fío da historia.
Antes da sesión, a organización entregará ao profesorado material didáctico, co que poderán traballar aspectos importantes da película, así coma sacarlle partido dende un punto lingüístico.
Obxectivos:
- O alumnado coñecerá unha realidade social, a da banlieue parisienne, onde a exclusión, a desigualdade económica e a discriminación son algunhas das súas características. É polo tanto unha película que desbota a bela imaxe do París que visitamos ou que vemos noutros medios ou produtos de ficción.
- O alumnado poderá recoñecer a sorte que teñen de poder ter un ensino gratuíto e de calidade, fronte a outros mozos e mozas que teñen que facer esforzos para estudar e progresar academicamente e, mesmo traballar para contribuír á economía familiar.
- A escoita activa en francés: A aula é un espazo moi reducido para a práctica das competencias orais da lingua. O feito de que o alumnado poida ser testemuña de conversacións en francés é fundamental para o desenvolvemento das competencias orais da lingua e unha comunicación efectiva, algo moi positivo para a súa aprendizaxe.